Concerts

Nataniel en sy musikante tree saam met die FSSO in 'n enkele konsert by KKNK op. Oorspronklike musiek deur Nataniel asook verwerkings van beroemde jazz-, soul- en poptreffers en ou gunstelinge word uitgevoer. Die konsert sluit ook musiek in van Nataniel se nuutste album, splinternuwe stories en asemrowende kostuums ontwerp deur Floris Louw.
Nataniel deel die verhoog met Charl du Plessis (klavier), Juan Ooshuizen (kitaar), Corné Dannhauser (bas), Vincenzo Henrico (tromme) en die FSSO onder leiding van Chris Dowdeswell.